Saturday, March 21, 2009

ഉപായം

ആദ്യത്തെ പിടുത്തം
പിഴയ്ക്കരുത് ; കൈയടക്കം.

ഒറ്റവലി , തടുക്കാന്‍
കൈയടുക്കും മുന്‍പ്.

ആഞ്ഞുള്ളൊരൊറ്റവലി
ശാസ്ത്രമാണ്

നിലവിളിയ്ക്ക് വാ പൊളിക്കും-
മുന്‍പെ തീരണം

ഇത്രയും കൊണ്ട് കണ്ണില്‍
ഇരുട്ട് തൂവിക്കഴിഞ്ഞു.

അതാവണം വെളിച്ചം
ഒടിയനായ് മറയുക.

ദീര്‍ഘരേഖയിലോട്ടം വേണ്ട,
ദീര്‍ഘദൃഷ്ടികളുണ്ട്.

കുണ്ടനിടവഴിയും ഒറ്റയടിപ്പാതയും
വേണ്ട , പരിചിതരറിയും.

ചന്തയിലോ സൂപ്പര്‍ മാര്‍ക്കറ്റിലോ
വെച്ചാകാം , അഭിമാനം കാക്കും.

തരികിടയെന്നോര്‍ത്താദ്യം
ഇളിഭ്യയാകും , മണ്ടിക്കളയുക.

കഴുത്ത് തടവി പോയല്ലോന്നോര്‍ത്ത്
കണ്ണുകള്‍ ചുവപ്പിച്ച് കുളിപ്പിച്ച് വെളിയിലിടും.

എല്ലവരും കൂടും,
വിമ്മിഷ്ടം ഒച്ചയില്ലാതൊഴുകുമ്പോള്‍.

എല്ലാറ്റിനും കൂടണം,
വീട്ടിലെത്തിക്കണം ; ആണ്‍ തുണ.

രാത്രിയിലൊരുമ്മകൊടുത്ത്
പോട്ടെ..വേറെ വാങ്ങാലോന്നാക്കണം.

പിന്നെ,
വിറ്റുകാശാക്കി കുട്ടിയേംകൊണ്ട് വരിക
ഞങ്ങളെല്‍ക്കേജീലാക്കാം


12 comments:

Kunjipenne - കുഞ്ഞിപെണ്ണ് said...

സത്യവിചാരങ്ങള്‍...
നന്നായി
ഒത്തിരി സ്‌നേഹത്തോടെ

Rare Rose said...

നന്നായിരിക്കുന്നു....:)

പാവപ്പെട്ടവന്‍ said...

കുണ്ടനിടവഴിയും ഒറ്റയടിപ്പാതയും
വേണ്ട , പരിചിതരറിയും.
അത് സാരമില്ല അവര്‍ തെറ്റുധരിചോളും,
അവര്‍ നമ്മളെ കാണുന്നില്ല എന്ന് ധരിക്കണം
മനോഹരം ചിന്താപരം നല്ല എഴുത്ത്
അഭിനന്ദനങ്ങള്

...പകല്‍കിനാവന്‍...daYdreamEr... said...

പിന്നെ,
വിറ്റുകാശാക്കി കുട്ടിയേംകൊണ്ട് വരിക
ഞങ്ങളെല്‍ക്കേജീലാക്കാം
:)

ശ്രീഇടമൺ said...

നല്ല "ഉപായം"

കുമാരന്‍ said...

മുഖ്യധാരാ സാഹിത്യത്തിന്റെ കരുത്തുറ്റ വരികള്‍

പണ്യന്‍കുയ്യി said...

കൊള്ളാം ഇയ്ളുടെ ഉപായം

ചങ്കരന്‍ said...

ഹഹ, ചിരിപ്പിച്ചു. പക്ഷെ ഒരു മാലവിറ്റാല്‍ ഒതുങ്ങുമോ :)

സമാന്തരന്‍ said...

കുഞ്ഞിപ്പെണ്ണ്,
rare rose,
പാവപ്പെട്ടവന്‍,
പകല്‍കിനാവന്‍,
ശ്രീ ഇടമണ്‍,
കുമാരന്‍,
പണ്യന്‍ കുയ്യി,
ചങ്കരന്‍..
നന്ദി..വായിച്ചെന്നറിയിച്ചവര്‍ക്കെല്ലാം..
ഇനിയും വരുമല്ലോ..

‍‍

karmanna said...

മനോഹരം ....:-)
ചങ്കരന്‍ ചോദിച്ചത് ഞാനും ആവര്‍ത്തിക്കുന്നു ....

ശാരദനിലാവ് said...

മണ്ടും നേരം ... ചെമ്മേ മണ്ട കാക്കുക
മല്ലന്മാര്‍ മടിക്കുകില്ലെന്തിനും, എതിരെ വന്നു വെന്നാല്‍

പാവത്താൻ said...

nalla upaayam...